محمد خان لېسې د نادعلي ولسوالۍ د فوټبال سیالیو اتلولي خپل کړه
د هلمند ولایت نادعلي وسلوالۍ د فوټبال ناک اوټ سیالیو پایلوبې ته د" ډاکټر محمدخان لېسې او هلمندي ستورو" لوبډلو لار ومونده چې د " ۳ - ۰ " پایلې سره محمدخان لېسې وګټله.
دا سیالۍ په ناک اوټ "حذفي" توګه ترسره شوې چې ۸ لوبډلو " هلمندي ستورو ، سیداباد لېسې، لوی باغ لېسې، ازاد، شمشاد، شاهین، مرکزي لېسې او ډاکټر محمدخان لېسې) پکې ګډون کړی وو.
د سیالیو غوره لوبغاړی جانان، غوره ګولو وهونکی ایمل جان او غوره ګول ساتونکی نثار احمد ونومول شول چې د مسؤلینو له خوا ورته ډالۍ ورکړل شوې.
دا سیالۍ چې د ورزشي مسوولینو له خوا د نادعلي ولسوالۍ په مرکزي لوبغالي کې ترسره شوې موخه یې د ځوانانو یووالی او له ورزشکارانو څخه ملاتړ و.
د پایلوبې سیالۍ لیدو ته ګڼ شمېر مینوال راغلي وو.
د پای په مراسمو کې ګټونکې لوبډلې ته کپ او غوره لوبغاړو ته مډالونه او نورې ډالۍ ورکړل شوې.
