مزار شریف کې د بلخ او جوزجان ولایتونو چاپندازانو ترمنځ د وزلوبې سیالۍ ترسره شوه
د وزلوبې دا سیالۍ د بلخ ولایت د بدني روزنې او ورزش ریاست په همغږۍ د وزلوبې فدراسیون له خوا د مزارشریف په مقیم بای ورزشي لوبغالي کې ترسره شوه.
په دې سیالۍ کې د بلخ د ورزش اوسپورټ مرستیال ترڅنګ یو شمېرنورو ورزشي مسوولینو، مخورو، ځوانانو او ګڼ شمېر مینوالو ګډون کړی وو.
یاده سیالۍ چې د یووالي او پیوستون په موخه ترسره شوه د بلخ په ګډون د جوزجان ولایت د اقچې ولسوالۍ ګڼ شمېر چاپندازانو پکې ګډون درلود او یو د بل پر وړاندې یې سخته سیالي وکړه.
د سیالۍ په لړ کې شمس الدین پهلوان د حبیب الله سرپلي په اس اوعلم پهلوان د حاجي علم بزاز په اس باندې توانېدل چې دایره حلاله کړي او نقدي ډالۍ یې ترلاسه کړې.
