مطمئن: راتلونکي کې مو پلان دا دی چې د ولسوالیو په سطحه سیالۍ برابرې کړو

Afzal-af
سه‌شنبه ۱۴۰۱/۲/۲۷ - ۹:۴۱
مطمئن: راتلونکي کې مو پلان دا دی چې د ولسوالیو په سطحه سیالۍ برابرې کړو

د المپیک ملي کمېټې او ورزش عمومي رئیس انجینر نظرمحمد مطمئن وايي، د ورزش اداره پخپل راتلونکي پلان کې هوډ لري چې د مرکزونو په ګډون په ولسوالیو کې هم سیالۍ برابر کړي، چې په دې ډول به ورزش تر کلیو رسېدلی وي.

دغه څرګندونې ښاغلي مطمئڼ د واليبال فدراسيون او د خوست ولايت د ورزشي مسوولينو ستاينغونډه کې وکړې.

انجنیر نظر محمد مطمئن چې په دې غونډه کې خبرې کولې زیاته کړه، له تاسو ټولو څخه مننه کوم چې په دې موده کې مو له محدودو اسانتیاوو سره سره ستر ورزشي پروګرامونه جوړ کړل.

زه د المپیک ملي کمیټې او د بدني روزنې او ورزش له عمومي ریاست له خپلو همکارانو مننه کوم چې د دوی ګټورو مشورو له امله موږ وکولی شول په ټول هیواد کې د ورزش وضعیت ښه کړو.

نوموړي د ولایت ورزشي مسوولینو ته په خطاب کې وویل، ښايي ولایتي رسنیز پوښښ کې ستونزه موجوده وي، خو ان شاءالله هڅه به وکړو چې تاسو ته د ورزشي پروګرامونو د ښه پوښښ لپاره د نشراتي وسایلو او اسانتیاوې برابرې کړو.

ښاغلي مطمئن پر ګډونوال غږ وکړ، چې دا ډول ستاینغونډې دا معنی نه لري، چې نور نو کار پای ته رسېدلی دی، بلکې مسؤلیت مو لا ډېروي او تعهد مو پیاوړ کوي چې لا ډېر کار وکړو.

په دې غونډه کې د خوست د ورزشي رهبرۍ په استازیتوب د یاد ولایت ورزشي امر عطاءالله کډوال او د ولیبال فدراسیون په استازیتوب د دې فدراسیون رئیس ناصر احمد نوري هم د مننې تر څنګ د لا ښو فعالیتونو ژمنه وکړه.

تازه خبرونه

چهارشنبه ۱۴۰۵/۸/۲۷ - ۱۱:۱
Background image

هلمند؛ ناوې ولسوالۍ کې د اتو لوبډلو ترمنځ د فوتبال سیالۍ پیل شوې

د هلمند ولایت د بدني روزنې او ورزش آمریت له لوري د یاد ولایت په ناوې ولسوالۍ کې د اتو لوبډلو ترمنځ د فوټبال سیالۍ پیل شوې، چې دوې اوونۍ به دوام وکړي.

د یادو سیالیو لومړۍ لوبه د آزاد. . .

چهارشنبه ۱۴۰۵/۸/۲۷ - ۱۰:۵۸
Background image

زابل؛ شاجوی ولسوالۍ کې د ۲۲ ورزشکارانو ترمنځ د واکو کېک بوکسېنګ سیالۍ ترسره شوې

د زابل ولایت د بدني روزنې او ورزش آمریت له لوري د یاد ولایت په شاجوی ولسوالۍ کې له ۲۲ کلبونو د ۲۲ ورزشکارانو ترمنځ د واکو کېک بوکسېنګ سیالۍ ترسره شوې.

د یادو سیالیو په پای کې د ګلبدین. . .

چهارشنبه ۱۴۰۵/۸/۲۷ - ۱۰:۵۳
Background image

بلخ؛ بلخ ولسوالۍ کې د ۶۰ چاپندازنو ترمنځ د وزلوبې سيالۍ وشوې

د بلخ ولايت د بدني روزنې او ورزش رياست اړوند د وزلوبې، نېزه وهنې او دوديزو لوبو ملي فدراسيون د استازولۍ له لوري د ياد ولايت په بلخ ولسوالۍ کې د ۶۰ چاپندازنو ترمنځ د وزلوبې سيالۍ وشوې.

. . .

BACK TO NEWS