ملاخېل لوبډلې د پکتيکا د ټېپ بال کرکټ سياليو اتلولي وګټله
د پکتيکا ولايت د ورزش امريت په همغږۍ د چکان کلي ځوانانو له لوري د لوى اختر په مناسبت د ١٧ لوبډلو ترمنځ د کرکټ ټېپ بال سيالۍ د ملاخېل لوبډلې په بريا پاى ته ورسېدې.
د دغو سياليو پايلوبې ته د چکان کلب او ملاخېل لوبډلو لار وموندله، چې په پيل کې د چکان کلب لوبډلې توپوهنه وکړه، چې په ټاکلو ٧ اورونو کې يې ملاخېل لوبډلې ته د ٨٦ منډو هدف ورکړ.
په مقابل کې ملاخېل لوبډلې ورکړل شوى هدف په پنځو اورونو کې پوره کړ او لوبه يې وګټله.
دغه سيالۍ د ولس ترمنځ يووالي، ورورولۍ، مينې او خوښۍ په موخه ترسره شوې.
پروېز د يادو سياليو د غوره لوبغاړي جايزه ترلاسه کړله.
