مولانا یعقوب چرخي لوبډله د لوګرولایت د فوټبال د بي لیګ سیالیو اتله شوه
دا سیالۍ د یولسو لوبډلو ترمنځ په دوه ګروپونو چې یو ګروپ کې پنځه او بل کې شپږ لوبډلې شاملې وې ترسره شوې.
د یاد سیالیو بي ګروپ پای لوبه د مولانا یعقوب چرخي او د عقابان چهلتن لوبډلو ترمنځ د جمعې په ورځ ترسره شوه چې په پایله کې یې د مولانا یعقوپ چرخي لوبډله اتله شوه.
ګټونکي لوبډلې ته کپ او نورې جایزی هم ورکړل شوې.
محمد فیاض ایوبي غوره ګول وهونکی، جاوید جمشیدي غوره لوبغاړی او همدا راز نعمان صدیقي غوره ګول ساتونکی ونومول شول.
د دې سالیو د پای لوبې په مراسمو کې د لوګر ولایت ورزشي امرمزمل نعیم زي ترځنګ ګڼو ځوانانو او مینوالو ګډون کړی وو.
باید وویل شې د یادو سیالیو د اخلاقو کپ سپین غر لوبډلې خپل کړ.
