ميدان وردګ؛ چک ولسوالۍ کې د ۵۰غشي ويشتونکو ترمنځ د غشي ويشتلو ژمنۍ سيالۍ ترسره شوې
د ميدان وردګ ولايت د بدني روزنې او ورزش آمریت له لوري د یاد ولایت د بند چک ولسوالۍ په محمدیار خېلو کلي کې د دوو لوبډلو د ۵۰ غشي ويشتونکو ترمنځ د غشي ويشتلو سیالۍ ترسره شوې.
د يادې سيالیو په پای کې مشفق لوبډلې خپلې سيالې محمدیارخیلو لوبډلې ته د ۹۱-۷۱ نومرو په توپير ماتې ورکړه او بريا يې خپله کړه.
دا سیالۍ د سیمې د خلکو لپاره د سالمې تفرېح د برابرولو په موخه ترسره شوې، چې یوه ورځ یې دوام وکړ.
