ميدان وردگ؛ بهسودو اولې حصې ولسوالۍ کې د فوټبال دويم پړاو سيالۍ پيل شوې
د ميدان وردگ ولایت د بدني روزنې او ورزش آمريت په همغږۍ، د فوټبال فدراسيون د استازولۍ له لوري د ياد ولايت په بهسودو اولې حصې ولسوالۍ کې د ۱۴ لوبډلو ترمنځ د استقلال جام په نوم د فوټبال دويم پړاو سيالۍ پيل شوې.
د يادو سياليو په پيليزه لوبه کې ظهور لوبډلې خپلې سيالې شاهين لوبډلې ته د ۲ پر صفر گولونو په توپیر ماتې ورکړه او بريا يې خپله کړه.
دا سيالۍ فوټبال ورزش ته د ودې ورکولو په موخه ترسره کېږي، چې شاوخوا يوه مياشت به دوام وکړي.
