ميدان وردگ؛ تنگي سټار لوبډلې د واليبال اختريزو سياليو اتلولي وگټله
د ميدان وردگ ولايت د بدني روزنې او ورزش آمريت اړوند د واليبال فدراسيون د استازولۍ له لوري او د عصمت الله رسولي په مالي ملاتړ د چک ولسوالۍ په چک بند تفريحي سيمه کې د ۸۰ لوبډلو ترمنځ د "ستورو د رڼا" په نوم د واليبال اختريزې سيالۍ، د تنگي سټار لوبډلې په اتلولۍ پای ته ورسېدې.
د دغو سیالیو په پایلوبه کې تنگي سټار لوبډلې خپلې سيالې شاهد بدلون لوبډلې ته د ۳ پر ۱ ميدانونو په توپير ماتې ورکړه او اتلولي يې وگټله.
د ويلو وړ ده، چې يادو سیالیو اووه ورځې دوام وکړ او په پای کې اتلې لوبډلې ته ۳۰٫۰۰۰ زره افغانۍ او دويم مقام گټونکې لوبډلې ته ۱۰٫۰۰ زره افغانۍ د انعام په توگه ورکړل شوې.
