ميدان وردگ؛ سيدآباد ولسوالۍ کې د واليبال اختريزې سيالۍ پای ته ورسېدې
د ميدان وردگ ولایت د بدني روزنې او ورزش آمريت په همکارۍ، د واليبال فدراسيون د استازولۍ له لوري د ياد ولايت په سيدآباد ولسوالۍ کې د ۶۰ لوبډلو ترمنځ د واليبال اختريزې سيالۍ چې ۵ ورځې مخکې پيل شوې وې د شاهد بدلون لوبډلې په اتلولۍ پای ته ورسېدې.
د يادو سياليو په پايلوبه کې شاهد بدلون لوبډلې خپلې سيالې م.ج.اهد لوبډلې ته د ۲ پر ۱ ميدان په توپیر ماتې ورکړه او اتلولي يې وگټله.
دا سيالۍ د ځوانانو د يووالي او واليبال ورزش ته د ودې ورکولو په موخه وشوې، چې په پای کې غوره لوبډلو ته بېلابېلې چمتو شوې ډالۍ ورکړل شوې.
