ميدان وردگ؛ په سيدآباد ولسوالۍ کې د ۲۳ ورزشکارانو ترمنځ د تیږې اچوونې سيالۍ ترسره شوې
د ميدان وردگ ولايت د بدني روزنې او سپورټ امريت اړوند د ملي او دوديزو لوبو مديريت له لوري د سيدآباد ولسوالۍ په حکيم خېلو سيمه کې د ۲۳ ورزشکارانو ترمنځ تيږې اچوونې سيالۍ ترسره شوې.
دغه سیالۍ چې د ملي او دوديزو لوبو د ودې او پرمختگ په موخه ترسره شوې، په پايله کې صفت الله لومړی، نور آغا دويم، حاجي محمد بيا درېيم مقام ترلاسه کړ.
ياده دې وي، چې د دغو سياليو په پای کې غوره ورزشکارانو ته مډالونه او ستاينليکونه ورکړل شول.
