میدان وردګ؛ د ووشو څلورم پړاو سیالۍ د لوګر ولایت په لومړي مقام ګټلو سره پای ته ورسیدې
د میدان وردګو ولایت د بدني روزنې او ورزش آمریت له لوري د پنځو ولایتونو ترمنځ د ووشو رزمي سیالۍ نن د لوګر په اتلولۍ پای ته ورسېدې.
د ووشو دغه سیالۍ چې تیره ورځ پیل شوې وې، له خوست، لوګر، کابل، میدان وردګ او غزني ولایتونو څخه د بیلابېلو وزنونو ۱۴۰ ورزشکارانو پکې ګډون کړی ۇ.
د سیالیو په پایله کې لوګر ولایت لومړی، خوست دویم ،او د پلازمینې کابل ورزشکارانو درېیم مقام خپل کړ.
دغه سیالۍ په کال کې دوه ځله د ځوانانو د هڅونې او یووالي په موخه د میدان وردګ ولایت په کوربه توب تر سره کیږي.
