میدان وردګ؛ مرکزي زندان کې د درېیوو لوبډلو ترمنځ د والیبال سیالۍ ترسره شوې
د میدان وردګ ولایت د بدني روزنې او ورزش آمریت اړوند د والیبال فدراسیون د استازولۍ له لوري د یاد ولایت په مرکزي زندان کې د درېیوو لوبډلو ترمنځ د والیبال سیالۍ د وردګ پوهنتون لوبډلې په اتلولي پای ته ورسېدې.
په دغو سیالیو کې وردګ پوهنتون، د زندان بندیانو او زندان کارکوونکو لوبډلو ترمنځ ترسره شو، چې په پایلوبه کې یې وردګ پوهنتون لوبډلې د ۲ پر صفر میدانونو په توپیر خپلې سیالې زندان بندیانو لوبډلې ته ماتې ورکړه او اتلولي یې وګټله.
دا سیالۍ د زندانیانو د فکري او جسمي تفرېح برابرولو په موخه ترسره شوې، چې یوه ورځ یې دوام وکړ.
