میدان وردګ؛ په مرکز میدان ښار کې د قوت الرمي تشویقي سیالۍ ترسره شوې
د میدان وردګو ولایت د ورزش امریت په همکارۍ د قوت الرمي فدراسیون استازولۍ له لوري د دې ولایت په مرکز میدان ښار کې د «میدان وردګ اتلولۍ جام» په نوم د قوت الرمي څلور کلبونو ۳۰ جوړو ورزشکارانو ترمنځ د قوت الرمي تشویقي سیالۍ ترسره شوې.
په سیالیو کې موج قدرت، نبرد، مبارز هوتک او بابا غر کلبونو برخه لرله.
د دغو سیالیو په پایله کې د موج قدرت کلب د سرو زرو ۶ مډالونو په ګټلو سره لومړی مقام ترلاسه کړ.
د یادو سیالیو موخه د قوت الرمي ورزش ته وده ورکول او د ورزشکارانو ترمنځ د یووالي او ورورولۍ فضا رامنځته کول دي.
