میدان وردګو ولایت کې د لسو لوبډلو ترمنځ ساندا او سانداوانګ برخو کې د ووشو سیالۍ ترسره شوې
د میدان وردګ ولایت د بدني روزنې او ورزش آمریت او د ووشو فدراسیون د نمایندګي له لوري د یاد ولایت د بدني روزنې او ورزش جمنازیوم کې د ۱۰ لوبدلو ترمنځ د ساندا او سانداوانګو برخو کې د ووشو دوه ورځنۍ سیالۍ ترسره شوې، چې د ساندا برخې سیالۍ یې د نویو ځوانانو او ځوانانو په کټګوري او د سانداوانګ برخې سیالۍ د لویانو په کټګوري کې ترسره شوې.
په دغو سیالیو کې د کابل، کندهار، هلمند، بامیان، خوست، ننګرهار، لوګر، غزني، میدان وردګ او لغمان ولایتونو لوبډلو ګډون کړی و.
په یادو سیالیو کې ۱۴۸ لوبغاړو ګډون کړی و، چې ۴۸ تنو یې په ساندا او ۱۰۰ تنو یې په سانداوانګ برخه کې په مختلفو وزنونو کې سیالۍ ترسره کړې.
د یادو سیالیو په پایله کې لوګر ولایت لومړی، ننګرهار دویم او کابل ولایت بیا درېیم مقام ترلاسه کړ.
