میدان وردگ؛ نرخ ولسوالۍ کې د واليبال سيالۍ پای ته ورسېدې
د ميدان وردگ ولایت د بدني روزنې او ورزش آمريت په همغږۍ، د واليبال فدراسيون د استازولۍ له لوري د ياد ولايت په نرخ ولسوالۍ کې د ۲۴ لوبډلو ترمنځ د واليبال سيالۍ د خانجان خېلو ځوانانو لوبډلې په اتلولۍ پای ته ورسېدې.
د يادو سياليو په پايلوبه کې خانجان خېلو ځوانانو لوبډلې خپلې سيالې کان عزت لوبډلې ته د ۲-۰ ميدانونو په توپير ماتې ورکړه او اتلولي يې وگټله.
دا سيالۍ د ځوانانو د يووالي په موخه وشوې او ۶ ورځې يې دوام وکړ.
