ننګرهار؛ شينوارو ولسوالۍ کې د ۱۴ لوبډلو ترمنځ د ټېپ بال کرکټ سیالۍ د همت زاده کلپ لوبډلې په اتلولي پای ته ورسېدې
د ننګرهار ولایت د بدني روزنې او ورزش ریاست اړوند د ټېپ بال کرکټ فدراسیون د استازولي له لوري د ياد ولايت په شينوارو ولسوالۍ کې د ١۴ لوبډلو ترمنځ د امن په نوم د ټېپ بال کرکټ سیالۍ د همت زاده کلپ لوبډلې په اتلولي پای ته ورسېدې.
د یادو سیالیو پایلوبه د همت زاده کلپ او غني الرحمن لوبډلو ترمنځ ترسره شوه. غني الرحمن لوبډلې د لوبې د پچې په ګټلو سره لومړی توپ وهنه وکړه او په ټاکلو لسو اورونو کې یې د خپلو شپږو لوبغاړو په لاسه ورکولو سره خپلې سیالې لوبډلې ته د ۹۴ منډو هدف وټاکه. همت زاده کلپ لوبډلې د څلورو لوبغاړو په له لاسه ورکولو سره یاد هدف ترلاسه کړ او په شپږو ویکټو یې خپلې سیالې لوبډلې ته په ماتې ورکولو سره د سیالیو اتلولي په خپل نوم کړه.
یادې سیالۍ له نظام څخه د ملاتړ په موخه ترسره شوې چې ٣٨ ورځې یې دوام وکړ او په پای کې اتلې لوبډلې د ته اتلولي کپ ورکړل شو.
