ننګرهار؛ شېرزاد ولسوالۍ کې د ۲۴ لوبډلو ترمنځ د والیبال سیالۍ پیل شوې
د ننګرهار ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په شېرزاد ولسوالۍ کې د ۲۴ لوبډلو ترمنځ د والیبال سیالۍ پیل شوې.
د یادو سیالیو په لومړۍ لوبه کې خیبر لوبډلې د ۲ پر صفر میدانونو په توپیر خپلې سیالې حصارک لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د ځوانانو ترمنځ د یووالي په موخه پیل شوي دي، چې یوه میاشت به دوام وکړي.
