ننګرهار؛ نازیان ولسوالۍ کې د ١٦ لوبډلو ترمنځ د ټېپ بال کرېکټ سیالۍ پیل شوې
د ننګرهار ولایت د بدني روزنې او ورزش ریاست اړوند د ټېپ بال کرېکټ فدراسیون د استازولۍ له لوري د ياد ولایت په نازیان ولسوالۍ کې د ١٦ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د سرحدي او مرکزي لوبډلو ترمنځ ترسره شوه. د لوبې پچه سرحدي لوبډلې وګټله او لومړی یې توپوهنه وکړه، چې په ټاکلو لسو اورونو کې یې د پنځو ویکټو په زیان خپلې سیالې لوبډلې ته د ١٣٢ منډو هدف وټاکه. مرکزي لوبډلې د هدف په تعقیب کې ٨٥ منډې وکړې او د ٤٦ منډو په توپیر یې لوبه وبایلله.
دا سیالۍ د ځوانانو ترمنځ د یووالي او د نظام د ملاتړ په موخه پیل شوي دي، چې ٢٥ ورځې به دوام وکړي.
