ننګرهار؛ په روداتو ولسوالۍ کې د ټېپ بال کرکټ سیالۍ د صفي الله ملنګ لوبډلې په اتلولۍ پای ته ورسېدې
د ننګرهار ولایت د ورزش ریاست له لوري په روداتو ولسوالۍ کې د ځوانانو د یووالي او سالمې تفریح په موخه د ۱۶ لوبډلو ترمنځ د ټېپ بال کرکټ سیالۍ چې ۱۵ ورځې وړاندې پیل شوې وې تېره ورځ د صفي الله ملنګ لوبډلې په ګټه پای ته ورسېدې.
د دغو سیالیو پایلوبه د صفي الله ملنګ او املوکي بازار لوبډلو ترمنځ شوه، چې د لوبې پچه د صفي الله ملنګ لوبډلې وګټله او لومړی یي د توپوهنې پرېکړه وکړه، چې په ټاکلو لسو اورونو کې یې د شپږ لوبغاړو په سوځېدو سره ۱۲۸مندې وکړې، په مقابل کې د املوکي باراز لوبډلې د څلور لوبغاړو په زیان سره ۱۱۴منډ وکړ ې او لوبه یې د ۱۴منډو په توپیر د صفي الله ملنګ لوبډلې ته پرېښوده.
د یادو سیالیو په پایلوبې کې د روداتو ولسوالۍ د ورزش مسوولینو، قومي مشرانو، ځوانانو او د کرکټ مینه والو ګډون درلود.
