ننګرهار؛ په پیچراګام ولسوالۍ کې د ټېپ بال سیالۍ پای ته ورسېدې
د ننګرهار ولایت د بدني روزنې او ورزش ریاست په لارښوونه د پچیراګام ولسوالۍ په هارون بابا کڼدو لوبغالي کې د ۱۲ لوبډلو ترمنځ د ټېپ بال کرکټ سیالۍ د پچیر پښتون زلمیو لوبډلې په بریا پای ته ورسېدې.
د دغو سیالیو پایلوبې ته پچیر پښتون زلمیو او پچیر خالد شیدا لوبډلو لار موندلې وه، لومړی توپوهنه پیچر پښتون لوبډلې وکړه او ټاکلو لسو اورنو کې سیالې لوبډلې ته ۱۰۹ منډې هدف کېښو، بل لوري ته پچیر خالد لوبډلې د ټولو لوبغاړو په زیان یوازې ۱۰۷ منډې وکړې او په دوو منډو یې سیالې لوبډلې ته ماتې ومنله.
هېره دې نه وي چې دغو سیالیو ۱۲ ورځې دوام وکړ نن پای ته ورسېدې.
