ننګرهار؛ په ښېوه ولسوالۍ کې د ټېپ بال کرکټ سيالۍ پای ته ورسېدې
د ننګرهار ولايت په ښېوه ولسوالۍ کې د ۱۶ لوبډلو ترمنځ د ټېپ بال کرکټ سياليو اتلولي، چې پنځلس ورځې يې دوام وکړ، د ښېوې مرکزي لوبډلې خپله کړه.
د دغو سياليو پايلوبه د ښېوې مرکزي او پشه يي اتلانو لوبډلو ترمنځ ترسره شوه، لومړی توپوهنه پشه يي اتلانو لوبډلې ترسره کړه او په ټاکلو اتو اورونو کې يې سيالې لوبډلې ته ۱۶۸ منډې هدف کېښود، د لوبې په دويمه پاڼۍ کې ښېوې مرکزي لوبډلې ياد هدف د لوبې په وروستي اور کې پوره کړ او په شپږو وېکټو يې اتلولي خپله کړه.
