ننګرهار؛ په کامه ولسوالۍ کې د ۲۰ لوبډلو ترمنځ د ټېپ بال کرکټ سيالۍ پيل شوې
د ننګرهار ولايت د بدني روزنې او ورزش رياست تر رهبرۍ لاندې په کامه ولسوالۍ کې د نشه يي توکو پرضد د ۲۰ لوبډلو ترمنځ د ټېپ بال کرکټ سيالۍ پيل شوې.
د دغو سيالیو لومړۍ لوبه د شاهين او مراد علي لوبډلو ترمنځ ترسره شوه، چې په پايله کې شاهين لوبډلې خپلې سيالې لوبډلې ته په ۱۷ منډو ماتې ورکړه او لومړۍ بريا يې خپله کړه.
هېره دې نه وي چې د دغو سياليو د پرانيستې په مراسمو کې د ياد ولايت د بدني روزني ريس عبدالسلام وزيروال، لوبغاړو او ګڼو مينوالو ګډون کړی و.
