ننگرهار؛ شينوارو ولسوالۍ کې د ۶۴ لوبډلو ترمنځ د ټېپ بال کرېکټ شپنۍ سيالۍ پيل شوې
د ننگرهار ولايت د بدني روزنې او ورزش رياست اړوند د شينوارو شپږگونو ولسواليو ورزشي مدیریت له لوري د ياد ولايت په شينوارو ولسوالۍ کې د ۶۴ لوبډلو ترمنځ "هېواد امن دی" په نوم د ټېپ بال کرېکټ شپنۍ سيالۍ پيل شوې.
د يادو سياليو لومړۍ لوبه د سبحان الله مومند او پېښې خوړ ځوانانو لوبډلو ترمنځ ترسره شوه، چې په پايله کې د باران د اورښت له امله مساوي پای ته ورسېده.
د يادولو وړ ده، چې دغه سيالۍ به شاوخوا يوه مياشت دوام وکړي.
