ننگرهار؛ مرکز جلال اباد ښار کې د ۳۲ لوبډلو تر منځ د واليبال سيالۍ پېل شوې
د ننګرهار ولايت د بدني روزنې او سپورټ رياست لۀ لوري، د ياد ولايت په مرکز جلال اباد ښار هډې فارم کې د ۳۲ لوبډلو تر منځ د واليبال سيالۍ پېل شوې.
د يادو سياليو لومړۍ لوبه د انگور باغ او دامان لوبډلو تر منځ ترسره شوه، چې ۲/۰ مېدانونو په توپير د انگور باغ لوبډلې په بريا پای ته ورسېده.
دغه سيالۍ چې ۱۶ ورځې به دوام وکړي، موخه يې د ځوانانو تر منځ سالمه تفريح ياده شوې ده.
