ننگرهار؛ په جلال اباد ښار کې د شپږو ولایتونو ترمنځ د واليبال سيالۍ پيل شوې
د ننگرهار ولايت د بدني روزنې او سپورټ رياست اړوند د واليبال فدراسيون د استازولۍ له لوري د مرکز جلال اباد ښار په سراج العمارت بڼ کې د پياوړي لوبغاړي ارواښاد ذبیح الله حکمي په ياد د هېواد په کچه د شپږو ولایتونو ۱۶ لوبډلو ترمنځ د واليبال سيالۍ د گردي غوث لوبډلې په بريا پيل شوې.
په دغو سياليو کې د لغمان، کونړ، کابل، لوگر، کاپيسا او ننګرهار ولايتونو څخه لوبډلو گډون کړی دی، چې په لومړۍ لوبه کې گردي غوث لوبډلې سيالې غوچکو لوبډلې ته ۰/۲ ميدان په توپير ماتې ورکړه او بريا يې خپله کړه.
د يادونې وړ ده، چې دغه سيالۍ به يوه اوونۍ دوام وکړي.
