ننگرهار؛ په روداتو ولسوالۍ کې د ۱۶ لوبډلو ترمنځ د واليبال سيالۍ پای ته ورسېدې
د ننگرهار ولايت د بدني روزنې او سپورټ رياست په همکارۍ د روداتو ولسوالۍ په حصار شاهي سيمه کې د ۱۶ لوبډلو ترمنځ د ورزشکارانو يووالي په موخه د واليبال سيالۍ، چې لس ورځې مخکې پيل شوې وې، د کوزې قلعه لوبډلې په اتلولۍ پای ته ورسېدې.
د يادو په پايلوبه کې کوزې قلعه لوبډلې خپلې سيالې بړو قلعه لوبډلې ته د ۰/۲ ميدانونو په توپير ماتې ورکړه او اتلولي يې خپله کړه.
ياده دې وي، چې د دغو سياليو په پای کې اتلې لوبډلې ته د اتلولۍ جام ورکړل شو.
