ننگرهار؛ په سپين غر ولسوالۍ کې د ۳۰ لوبډلو ترمنځ د واليبال سيالۍ پيل شوې
د ننگرهار ولايت د بدني روزنې او سپورټ رياست اړوند د شينوارو شپږگونو ولسواليو ورزشي مديريت له لوري د ياد ولايت په سپين غر ولسوالۍ کې د ۳۰ لوبډلو ترمنځ د امنیتي ځواکونو څخه د ملاتړ په موخه د واليبال سيالۍ د اظهار لوبډلې په بريا پيل شوې.
د يادو سياليو په لومړۍ لوبه کې اظهار لوبډلې سيالې نوشاد لوبډلې ته د ۰/۲ ميدانونو په توپير ماتې ورکړه او بريا يې خپله کړه.
د يادونې وړ ده، چې دغه سيالۍ به شاوخوا دوې اوونۍ دوام وکړي.
