ننگرهار؛ په ښيوې ولسوالۍ کې د ۱۲ لوبډلو ترمنځ د ټېپ بال کرکټ سيالۍ پيل شوې
د ننگرهار ولايت د بدني روزنې او ورزش رياست په همکارۍ د ياد ولايت په ښيوې ولسوالۍ کې د ۱۲ لوبډلو ترمنځ د ااا له نظام څخه د ملاتړ او د ځوانانو يووالي په موخه د ټېپ بال کرکټ سيالۍ، چې دوې اوونۍ به دوام وکړي، د ښيوې مرکزي لوبډلې په بريا پيل شوې.
د يادو سياليو لومړۍ لوبه د ښيوې مرکزي او بډيالۍ لوبډلو ترمنځ ترسره شوه، چې ښيوې مرکزي لوبډلې د لوبې پچې په گټلو سره په ټاکلو لسو اورونو کې د څلورو لوبغاړو په سوځېدو سره سیالې لوبډلې ته د ۱۳۸ منډو هدف وټاکه، په مقابل کې بډيالۍ لوبډلې د ټولو اورونو په لوبولو سره يواځې ۱۰۰ منډې وکړې لوبه يې د ۳۸ منډو په توپير وبايلله
