ننگرهار؛ گردي غوث لوبډلې د مومندرې ولسوالۍ د واليبال سياليو اتلولي وگټله
د ننگرهار ولايت د بدني روزنې او سپورټ رياست اړوند د واليبال فدراسيون د استازولۍ له لوري په مومندرې ولسوالۍ کې د ۳۴ لوبډلو ترمنځ د واليبال سيالۍ د گردي غوث لوبډلې په اتلولۍ پای ته ورسېدې.
د يادو سياليو پايلوبه د گردي غوث لېسې او بټي کوټ زاهد لوبډلو ترمنځ ترسره شوه، چې په پايله کې گردي غوث لوبډلې خپلې سيالې لوبډلې ته د ۲/۳ میدانونو په توپير ماتې ورکړه او اتلولي يې خپله کړه.
د دغو سياليو د ترسره کېدو موخه د ځوانانو فکري رغونه او ترمنځ يې يووالی و، چې يوه مياشت يې دوام وکړ او په پای کې گټونکې لوبډلې ته د اتلولۍ جام ورکړل شو.
