نورستان ؛ مرکز پارون ښار کې د ۱۸ لوبډلو ترمنځ د ټېپ بال کرکټ سیالۍ پيل شوې
د نورستان ولایت د بدني روزنې او ورزش امریت له لوري د یاد ولایت په مرکز پارون ښار کې د ۱۸ لوبډلو ترمنځ د (ځوانانو د یووالي) جام په نوم د ټېپ بال کرکټ لس اوریزه سیالۍ پيل شوې.
د دغو سیالیو په لومړۍ لوبه کې د واما ځوانانو لوبډلې په ټاکلو لسو اورونو کې سیالې کنړ لوبډلې ته د ۱۱۵ منډو هدف وټاکه، په مقابل کې کنړ لوبډلې یاد هدف په لسم اور کې پوره کړ او لومړۍ بریا یې خپله کړه.
د یادو سیالیو موخه د ټېپ بال کرکټ ته وده ورکول، د ځوانانو ترمنځ یووالی رامنځته کول او له نشه یي توکو د ځوانانو لېرېوالی دی، چې یوه میاشت به دوام وکړي.
