نورستان ولایت مرکز پشکي کلي کې د اتو لوبډلو ترمنځ د ټېپ بال کریکټ سیالۍ پیل شوې
د نورستان ولایت د بدني روزنې او ورزش امریت له لوري د یاد ولایت په پشکي کلي کې د اتو لوبډلو ترمنځ ټېپ بال کریکټ سیالۍ د پشکي کلي ځوانانو لوبډلې په بریا پیل شوې.
د دغو سیالیو لومړۍ لوبه د پشکي ځوانانو او کشتوز ځوانانو لوبډلو ترمنځ ترسره شوه، چې په پایله کې پشکي ځوانانو لوبډلې په ټاکلو لسو اورونو کې ۸۰ منډې ترسره کړې. په مقابل کې د کشتوز لوبډلې یوازې ۶۰ منډې وکړې او سیالي یې په ۲۰ منډو پشکي لوبډلې ته وبایلله.
د یادو سیالیو موخه د ټېپ بال کریکټ ورزش ته وده ورکول یاد شوي.
