نیمروز ؛ زرنج ښار کې د ۴۰ ورزشکارانو ترمنځ د موی تای سیالۍ ترسره شوې
د نیمروز ولایت د بدني روزنې او ورزش امریت اړوند د موی تای فدراسیون د استازولۍ له لوري د یاد ولایت زرنج ښار کې د روژې جام په نوم د درې کلپونو ۴۰ ورزشکارانو ترمنځ د موی تای سیالۍ پای ته ورسېدې.
دغو سیالیو ته د هېواد موی تای ملي فدراسیون رییس مطیع الله نوري او دولتي امرینو ګډون کړی و، چې په پایله کې د نوري اتلانو کلپ لومړی مقام، تک رزم افغان کلپ دویم مقام او ش ه ی د عصمت الله کلپ درېیم مقام ترلاس کړ.
د یادو سیالیو موخه د موی تای ورزش ته وده ورکول و.
د سیالیو په پای کې غوره ورزشکارانو ته چمتو شوي ستاینلیکونه ورکړل شول.
