هرات؛ مرکز کې د ۹۶ ورزشکارانو ترمنځ د W.T.F تکواندو پنځم پړاو سيالۍ ترسره شوې
د هرات ولايت د بدني روزنې او ورزش رياست اړوند د W.T.F تکواندو ملي فدراسيون د استازولۍ له لوري د ياد ولايت په مرکز کې د ۹۶ ورزشکارانو ترمنځ د ( کلبونو ) جام په نوم د W.T.F تکواندو پنځم پړاو سيالۍ ترسره شوې.
دغه سيالۍ د نويو ځوانانو او د ځوانانو ورزشکارانو په عمري کټګوريو او په بېلابېلو وزنونو کټګوريو کې ترسره شوې، چې په پايله کې د ياران کلب ورزشکارانو د ۳۲ امتيازونو په ترلاسه لومړی، ميوند رزم کلب ورزشکارانو د ۲۲ امتيازونو په ترلاسه دويم او د جومونګ کلب ورزشکارانو د ۱۹ امتيازونو په ترلاسه درېيم مقام ترلاسه کړ.
د يادو سياليو موخه د تکواندو ورزش ته وده ورکول او د ځوانانو ترمنځ يووالی رامنځته کول و، چې يوه ورځ يې دوام وکړ.
