هرات؛ په پل پشتو سيمه کې موټر سايکل ځغلونې ورزشي نندارې ترسره شوې
د هرات ولايت د بدني روزنې او ورزش رياست اړوند د موټرسايکل ځغلونې فدراسيون د استازولۍ له لوري د ياد ولايت په پل پشتو سيمه کې له ۳۰ زياتو ورزشکارانو د موټرسايکل ځغلونې نندارې ترسره کړې.
د دغو ورزشي نندارو ليدو ته د المپيک بدني روزنې او ورزش عمومي رييس مولوي احمدالله وثيق، د ياد رياست فني او مسلکي معاون حافظ احمد جان ځدران، د همدې رياست ارشد مشاور ګلاب الدين خپلواک، ورزشي مشاور قاري حيات الله رحماني، د موټرسايکل ځغلونې ملي فدراسيون رييس سيد نبي الله سادات، ورسره پلاوي، ورزشکارانو او د ورزش ګڼو مينوالو ګډون کړی و.
دالمپيک بدني روزنې او ورزش عمومي رييس مولوي احمدالله وثیق د يادو ورزشکارانو ورزشي نندارې مثبت و ارزولې او دوی ته يې د لا زياتو برياوو هيله څرګنده کړه.
هېره دې نه وي چې دغه ورزشي نندارې په داسې کې ترسره کېږي چې، په دغه ولايت کې به نن د هيواد په کچه د اس ځغلونې ملي ټاکنيزې سيالۍ هم پيل شي.
