هرات؛ کشک رباط سنګي ولسوالۍ کې د غوره استعدادونو فوټبال جام پيل شو
د هرات ولایت د بدني روزنې او ورزش ریاست اړوند د فوټبال ملي فدراسیون له لوري د یاد ولایت په کشک رباط سنګي ولسوالۍ کې د ۱۸ لوبډلو ترمنځ د غوره استعدادونو فوټبال جام سیالۍ پيل شوې.
د دغو سیالیو په لومړۍ لوبه کې هوتک یونایټډ لوبډلې خپلې سیالې یاران سبزپوش لوبډلې ته د ۲/۱ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوټبال لوبو ته وده ورکول او ۱۰ غوره لوبډلې د یاد ولایت د فوټبال لومړي درجه لیګ ته لاره پيداکول دي، چې یوه میاشت به دوام وکړي.
