هرات مرکز کې د ۱۰۴ ورزشکارانو ترمنځ د سوکيو کيشن کراټې سيالۍ وشوې
د هرات ولايت د بدني روزنې او ورزش رياست اړوند د کراټې ملي فدراسيون د استازولۍ له لوري د ياد ولايت په مرکز کې له کندهار، فراه، غزني او هرات ولايتونو څخه د ۱۰۴ ورزشکارانو ترمنځ د سوکيو کيشن کراټې سيالۍ وشوې.
دغه سيالۍ په بېلابېلو کټګوريو کې ترسره شوې، چې په پايله کې ۵۲ تنو خپلو سيالانو ته په ماتې ورکولو سره د اتلولۍ مقامونه خپل کړل.
د يادو سياليو موخه د کراټې ورزش ته وده ورکول، د غوره استعدادونو موندل او د ورزشکارانو فني وړتيا لوړول و، چې يوه ورځ يې دوام وکړ.
