هرات مرکز کې د ۱۲ لوبډلو ترمنځ د والیبال سیالۍ پای ته ورسېدې
د هرات ولایت د بدني روزنې او ورزش ریاست اړوند په ښوونځیو، پوهنتونونو او مدرسو کې ورزش ته د ودې مدیریت له لوري د یاد ولایت په مرکز کې د هرات دولتي پوهنتون د ۱۲ لوبډلو ترمنځ د والیبال سیالۍ پای ته ورسېدې.
د دغو سیالیو په پایلوبه کې وترنري پوهنځي لوبډلې خپلې سیالې اقتصاد پوهنځي لوبډلې ته د ۳/۰ میدانونو په توپیر ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول، د ځوانانو ترمنځ یووالی رامنځته کول او د غوره لوبغاړو موندل و، چې ۱۰ ورځې یې دوام وکړ.
