هرات کې د بدني روزنې او ورزش مسولینو سره د موی تای ورزشکارانو لیدنه
سه شنبه، لېندۍ۳۰، ۱۴۰۰
نعیم پرهېز
د هرات ولایت د بدني روزنې او ورزش مسؤلینو د دې ولایت د موی تای فدراسیون له غړو او ورزشکارانو سره ولیدل.
په دې لیدنه کې د موی تای فدراسیون مسؤلینو او ورزشکارانو د یاد فدارسیون اړوند ستونزې شریکې کړې.
دغه راز دوی د یاد ریاست له ملاتړ او همکارۍ مننه وکړه او په راتلونکي کې یې د لا زیاتې پاملرنې او همګارۍ غوښتنه وکړه.
د هرات ولایت د بدني روزنې او ورزش ریاست عمومي مدیر مسعود عمر سعیدي د ورزش په برخه کې د ورزشکارانو د هڅو او ویاړونو د قدردانۍ ترڅنګ ژمنه وکړه چې د ورزشکارانو ستونزې به پر خپل وخت حل شي.
