هرات کې د منډې وهلو (اتلتيک خفيفه) سيالۍ ترسره شوې
د هرات ولایت د منډې وهلو ( اتلتيک خفيفه) فدراسيون دوستانه سيالۍ د بدني روزنې او ورزش ريئس، د ورزشي فدراسیونونو رئيسانو او روزونکو په شتون کې د دې ولایت په ورزشي جمنازيوم کې ترسره شوې.
په دې سياليو کې دوو لوبډلو په درېيو برخو ١٠٠ متره، ٨٠٠متره او ٣٠٠٠ مترو واټن وهلو لپاره سره سيالي وکړه.
د دې سياليو ١٠٠ متره اوږدوالې لپاره ١٠ تنه ٨٠٠ متره فاصلې لپاره ١٤تنه او ٣٠٠٠ مترو واټن وهلو لپاره ٤تنه ورزشکارانو سيالي وکړه چې په پايله کې د زياتې فاصلې وهلو برخه کې نعيم جويا لومړى مقام ٨٠٠ مترو واټن وهلو کې وزيراحمد فيضي لومړى مقام او ١٠٠ متره اوږدوالي وهلو کې محمد عارف يعقوبي لومړى مقام ترلاسه کړ.
همداراز د دې پړاو سياليو لوبډلو له منځه افغان قهرمان لوبډلې وکولاى شول چې لومړى مقام ترلاسه کړي.
د هرات بدني روزنې او ورزش رياست د دې سياليو ترسره کېدو موخه د ورزشکارانو هڅولو ترڅنګ ملي او بين المللي سياليو ته د ورزشکارانو چمتووالى ياده کړې.
