هرات کې د ووشو فدراسیون ۷۰ ورزشکارانو ترمنځ د ووشو نندارې ترسره شوې
د هرات ولایت د بدني روزنې او ورزش ریاست اړوند د ووشو ملي فدراسیون د استازولۍ له لوري د یاد ولایت په مرکز کې د ووشو فدراسیون د ۷۰ ورزشکارانو ترمنځ د ووشو نندارې ترسره شوې، چې یوه ورځ یې دوام وکړ.
یادې نندارې د افغانستان د ووشو ملي فدراسیون او د هرات ووشو فدراسیون د استازولۍ د وروستیو لاسته راوړنو او د یاد ریاست رییس مفتي عبدالرحیم رحماني د کړنو د نمانځلو په موخه ترسره شوې.
د یادونې وړ ده، چې د دغو نندارو په جریان کې په یاد ولایت کې د افغانستان د سنتي کونګ فو شائولین انجمن مرکزي دفتر د هېواد د ووشو ملي فدراسیون تر چتر لاندې پرانیستل شو.
