هرات کې د پاورلفټنګ سيالۍ ترسره شوې
د هرات ولايت پاورلفټنګ سياليو ١٧پړاو سيالۍ د بدني روزنې او ورزش ريئس او غړو، د فدراسيونونو رئيسانو، روزونکو او استادانو په شتون کې د ميرويس صادق په جمنازيوم کې ترسره شوې.
په دغو سياليو کې د ١٠ ورزشي کلپونو ٥٠ تنو ورزشکارانو ګډون درلود چې د سکواټ او دليفت حرکتونو کې سره ولوبېدل.
د هرات پاورلفټنګ فدراسیون رئیس علي رضا رفيع زاده وايي؛ د دې سياليو په پاى کې ٩تنه په ملي سياليو کې د لوبېدو په موخه وټاکل شول
د سياليو په پاى کې مقام ګټونکو ورزشکارانو ته حکمونه او مډالونه هم ورکړل شول.
