هرات کې د کرکټ او شطرنج سیالۍ پیل شوې
نن د سلطان غیاث الدین غوري په عالي لېسه کې د هرات ولایت د بدني روزنې او ورزش رئیس مولوي ګلاب الدین خپلواک او د سلطان غیاث الدین عالي لیسې د امر محمد اصف رؤف رحمتي ، او ښونکو په ګډون د کرکټ او شطرنج جام سیالۍ پرانیستل شوې.
ښاغلي خپلواک د زده کوونکو سره په خبرو کې وویل چې ښوونځي د ورزش یو له بنسټیزو ځایونو څخه دی هغه زیاته کړه «د هرات په ښوونځیو کې د ورزش د استعداد په موندلو سره به د دغه ولایت ورزش د پام وړ وده وکړي.»
په ورته وخت کې ښاغلی رحمتي وايي چې د دغه جام له ترسره کېدو یې موخه د زده کوونکو د ورزشي مهارتونو وده ده.
ښاغلي خپلواک او ورسره ملګري یې د سلطان عالي لېسې د لوبډلو ترمنځ د کرکټ او شطرنج جام پرانیسته او د لېسې د ورزشکارانو د استعدادونو ستاینه یې وکړه
د یادې لېسې د ورزش امر احمد فرهاد رفاهی وايي، چې د کرکټ جام به د شپږو لوبډلو ترمنځ د ليګ په توګه دوام وکړي، او په شطرنج کې هم ۶۰ تنه زده کوونکو برخه اخلي.
