هرات کې د ۴۰ لامبو وهونکو ترمنځ د لامبو وهنې شپاړسم پړاو سیالۍ ترسره شوې
د هرات ولایت د بدني روزنې او ورزش ریاست اړوند د لامبو وهنې ملي فدراسیون د استازولۍ له لوري او د مجموعه ورزشي موج های ابي په ملاتړ په یاد ولایت کې د ۴۰ لامبو وهونکو ترمنځ په نویو ځوانانو، ځوانانو او د لویانو ورزشکارانو په عمري کټګوریو کې د لامبو وهلو سیالۍ ترسره شوې.
دغو سیالیو، چې یوه ورځ یې دوام وکړ، په پایله کې ۱۵ غوره لامبو وهونکي د هرات د لامبو وهلو منتخبې لوبډلې ته وټاکل شول.
د یادو سیالیو موخه د هرات منتخبې لوبډلې ته د غوره لامبو وهونکو ټاکل و، د سیالیو په پای کې غوره لامبو وهونکو ته چمتو شوې ډالۍ ورکړل شوې.
