هلمند؛ اریانا لوبډلې د ناد علي ولسوالۍ د فوټبال سياليو اتلولي وګټله
د هلمند ولایت په نادعلي ولسوالۍ کې د ځوان لوبغاړو ترمنځ د فوټبال سيالۍ، چې د لس لوبډلو په ګډون د تېر ١٤٠١ کال د سلواغې مياشتې په ١٨ نېټه په ګروپي شکل پيل شوې وې د اريانا لوبډلې په اتلولۍ پاى ته ورسېدې.
د دغو سياليو فاينل ته د اريانا او هلمندي ځوانانو لوبډلو لار وموندله چې د اريانا لوبډلې خپلې سيالې لوبډلې ته له ٢-٠ ماتې ورکړه او د دې سياليو اتلولي يې خپله کړه.
د دغو سياليو په پايله کې د اريانا لوبډلې لوبغاړي نصرالله د غوره لوبغاړي او اغامحمد د غوره ګول ساتونکي په توګه غوره شول.
د دې سياليو موخه د نويو ځوانانو هڅول وو.
