هلمند؛ خانشين ولسوالۍ کې د لسو لوبډلو ترمنځ د فوټبال حذفي سیالۍ پیل شوې
د هلمند ولایت د بدني روزنې او ورزش امريت اړوند د فوټبال فدراسیون د استازولۍ له لوري د ياد ولايت د خانشين ولسوالۍ په شیبارې فوټبالي حوزه کې د افغانستان په نوم د ناک اوټ په ډول د لسو لوبډلو ترمنځ د فوټبال حذفي سیالۍ پیل شوې.
د دغو سیالیو د پیل په لوبه کې سيد افغان لوبډلې خپلې سیالې قسمت لوبډلې ته د ۱/۰ ګول په توپير ماتې ورکړه او لومړۍ بريا يې خپله کړه.
د يادو سیاليو موخه ورزش ته د ځوانانو هڅول او يوه سالمه تفرېح برابرول دي، چې دوې اوونۍ به دوام وکړي.
