هلمند؛ خانشین ولسوالۍ کې د ۱۴ لوبډلو ترمنځ د فوټبال سيالۍ پای ته ورسېدې
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري د خانشین ولسوالۍ په تاغز خاشه بازار کې د ۱۴ لوبډلو ترمنځ د بست قلعه په نوم د فوټبال خذفي سيالۍ د اتحاد لوبډلې په اتلولۍ پای ته ورسېدې.
د دغو سياليو پايلوبه د اتحاد حلال لوبډلو ترمنځ ترسره شوه، چې په ټاکلي وخت سيالي ۰/۰ مساوي پای ته ورسېده، خو په پنالټيانو کې اتحاد لوبډلې خپلې سيالې لوبډلې ته د ۰/۳ گولونو په توپير ماتې ورکړه او اتلولي يې وگټله.
د يادو سياليو موخه د ځوانانو لپاره د سالم مصروفیت برابرول وو، چې درې اوونۍ يې دوام وکړ.
