هلمند؛ د مرکز لښکرګاه د ۲۰۲۴ الف لیګ سیالیو اتلولي نوي عمري فوټبال لوبډلې خپله کړه
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د ياد ولايت په مرکز لښکرګاه کې د ۸ الف فوټبال لوبډلو ترمنځ د ۲۰۲۴ کال الف لیګ سیاليو اتلولي نوي عمري فوټبال لوبډلې خپله کړه.
دغه سيالۍ چې يوه نيمه مياشت وړاندې پيل شوې، په پايلوبه کې نوي عمري لوبډلې خپلې سیالې آزاد لوبډلې ته د ۲-۱ ګولونو په توپير ماتې ورکړه او اتلولي يې خپله کړه.
د دغو سياليو په پايله کې نوي عمري لوبډلې د ۱۶ امتيازونو په ترلاسه کولو سره د لومړي مقام ګټلو ترڅنګ د ۲۰۲۵ کال غوره ليګ سياليو ته هم لار ومونده.
