هلمند؛ مارجې ولسوالۍ کې د ۳۰ لوبډلو ترمنځ د ټېپ بال کرېکټ سيالۍ پيل شوې
د هلمند ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د ياد ولايت په مارجې ولسوالۍ کې د ۳۰ لوبډلو ترمنځ د ټېپ بال کرېکټ سيالۍ پيل شوې.
د يادو سياليو پيليزه لوبه د بارک او خپلواک لوبډلو ترمنځ ترسره شوه، د لوبې پچه بارک لوبډلې وگټله او لومړی يې د توپ وهنې پرېکړه وکړه، چې په ټاکلو ۱۲ اورونو کې يې خپلې سيالې لوبډلې ته د ۱۸۲ منډو هدف وټاکه، په ځواب کې خپلواک لوبډلې د ټولو لوبغاړو په سوځېدو سره ۱۲۲ منډې وکړې او لوبه يې د ۶۰ منډو په توپير وبايلله.
دا سيالۍ ورزش ته د ځوانانو هڅولو په موخه ترسره کېږي، چې شاوخوا ۷۵ ورځې به دوام وکړي.
