هلمند؛ مرکز لښکرګاه ښار کې د اتیا ورزشکارانو ترمنځ د بدن ښکلا او فټنس سیالۍ ترسره شوې
د هلمند ولایت د بدني روزنې او ورزش آمریت اړوند د بدن ښکلا او فټنس فدراسیون د استازولۍ له لوري د یاد ولایت مرکز لښکرګاه ښار کې د اتیا ورزشکارانو ترمنځ د بدن ښکلا سیالۍ ترسره شوې.
دا سیالۍ په بېلابېلو وزني کټګوریو د ماسټر او جینر په سبک کې ترسره شوې، چې په پایله کې یې عزت الله د ماسټر او روزالدین افغان د جینر په برخه کې لومړي مقامونه ترلاسه کړل.
دا سیالۍ د هلمند ولایت د بدن ښکلا ملي سیالیو ته د چمتو والي په موخه ترسره شوې، چې یوه ورځ یې دوام و کړ.
