هلمند؛ مرکز لښکرګاه ښار کې د ٢٧ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت مرکز لښکرګاه ښار کې د ٢٧ لوبډلو ترمنځ د فوټبال سیالۍ د باباجي بارک لوبډلې په اتلولي پای ته ورسېدې.
د یادو سیالیو پایلوبه کې د باباجي بارک لوبډلې د ٤/٣ ګولونو په توپیر خپلې سیالې ملت افغان لوبډلې ته ماتې ورکړه او اتلولي یې خپله کړه.
دا سیالۍ ورزش ته د ځوانانو د هڅولو په موخه ترسره شوې، چې ۱۵ ورځې یې دوام وکړ.
